أهلا و سهلا بكم في باربيكيو هاوس!
مقارنة تنظيف شبك الجريل الستانلس والزهر
الـ BBQ مش مجرد طبخ… دي تجربة , سواء بتحب تشوي كل ويك إند، أو جريل ماستر محترف، أهم جزء في الجريل اللي ناس كتير بتغفله هو الشبك نفسه. أشهر نوعين هما الستانلس ستيل و الحديد الزهر (Cast Iron)، وكل نوع ليه مميزاته وعيوبه وطريقة عناية مختلفة.
لو عمرك سألت نفسك “أنهي أسهل في التنضيف؟” أو “إزاي أنضفهم بطريقة صح؟” في هذه المقالة من باربكيو هاوس هتعرف ايه الفرق!
ليه شبك الجريل مهم أصلًا؟
الشبك هو البطل الحقيقي لأي شوى لأنه بيتعرض مباشرة للأكل، الدهون، النار، والدخان.
لو اتساب متسخش، بيبوّظ طعم الأكل وممكن كمان يسبب صدأ وبكتيريا.
عشان كده التنظيف مهم عشان:
- الأكل يفضل بطعمه الحلو من غير ريحة دهون محروقة.
- الجريل يعيش معاك أكتر.
- الشوي يبقى اسرع واحسن.
- الأكل يبقى صحي أكتر.
لو عايز تحافظ على الجريل دايمًا جاهز، شوف ادوات تنضيف الجريل المتوفرة عند BBQ House
الفرق بين الستانلس والزهر
الستانلس ستيل:
مصنوع من معدن مقاوم للصدأ، ناعم ولمّاع وسهل التنضيف جدًا.
وبيعيش فترة طويلة لو اتنضف واتحافظ عليه كويس.
الحديد الزهر:
تقيل وسميك، بيحتفظ بالحرارة كويس جدًا ويدي علامات الشوي المميزة اللي الناس بتحبها.
بس محتاج تتبيل (تسخين مع طبقة زيت) بعد التنضيف علشان ما يصدأش.
جرب شبك الجريل الستانلس من BBQ House لو بتدور على خامة قوية وسهلة التنظيف.
المقارنة بين النوعين
| النقطة | الستانلس | الحديد الزهر |
| المتانة | مقاوم طبيعي للصدأ | يعيش سنين لو اتبل صح |
| التسخين | يسخن بسرعة ويبرد بسرعة | يحتفظ بالحرارة أكتر |
| التنضيف | سهل جدًا | محتاج مجهود أكتر |
| الصيانة | بسيط | لازم يتبل ويتزيت دايمًا |
طريقة تنضيف شبك الستانلس
الأدوات اللي هتحتاجها:
- فرشة جريل بشعيرات ستانلس أو نايلون.
- مية دافية وصابون خفيف.
- ورق فويل.
- فوطة ماصة.
الخطوات:
- شغّل الجريل 10-15 دقيقة عشان البقايا تلين.
- افصل النار وابدأ افرك الشبك بالفرشة أو فويل مكور.
- انقعه في مية دافية وصابون شوية.
- اشطفه كويس ونشفه تمامًا.
تابعونا على إنستجرام و فيسبوك لمزيد من معلومات الشوي.
نصايح:
- بعد التنضيف، ادهن طبقة خفيفة من زيت BBQ House الخاص بالتنظيف.
- ما تسيبوش مبلول.
- ابعد عن السلك المعدن اللي ممكن يخدشه.
طريقة تنضيف شبك الحديد الزهر
الأدوات:
- فرشة جريل قوية.
- مية دافية (من غير صابون لو تقدر).
- زيت نباتي أو زيت كتان.
- فوطة أو مناديل مطبخ.
الخطوات:
- سخّن الجريل وامسح البواقي بالفرشة.
- امسح الشبك بقطعة قماشة مبلولة شوية.
- نشّفه كويس جدًا.
- ادهنه بزيت خفيف وسخّنه تاني علشان يتبل.
ليه التتبيل مهم؟
بيحمي الشبك من الصدأ وبيخليه ما يلزقش فيه الأكل.
طرق التنظيف العميق (للنوعين)
الخل وبيكربونات الصوديوم:
اخلطهم مع بعض واعمل عجينة.
سيبها على الشبك نص ساعة، وافرك واغسل.
طريقة البخار:
حط طبق فيه مية جوه الجريل وهو سخن.
البخار هيفك الدهون العالقة.
تعرف على أخطاء شائعة في تنظيف الشواية الجريل
المنظفات الجاهزة:
استخدم منظف جريل مخصص.
اشطف كويس جدًا بعد الاستخدام.
العناية على المدى الطويل
- خزن الجريل في مكان ناشف أو استخدم غطاء الجريل من BBQ House.
- دايمًا ادهن طبقة زيت خفيفة بعد التنضيف.
- ابعد عن الكيماويات القوية زي الكلور.
أنهي أسهل في التنظيف؟
أكيد الستانلس ستيل
مش بيصدى، ومش محتاج تتبيل كل مرة.
بس لو بتحب حرارة أعلى وطعم شواء مميز، الزهر يستحق التعب.
هل الحديد الزهر يستاهل؟
لو انت جريل ماستر بتحب الشوي الصح , آه، يستاهل جدًا!
لكن لو بتحب الراحة أكتر، الستانلس عملي جدًا.
نصايح من الخبراء
- نظّف بعد كل استخدام بفرشة من مجموعة أدوات BBQ House.
- ادهن بزيت خفيف قبل وبعد الشوي.
- استخدم أدوات ناعمة في التنظيف.
- احفظ الجريل في مكان ناشف طول الشتاء.
الأسئلة الشائعة
هل لازم أتبّل شبك الستانلس؟
مش ضروري، بس الزيت الخفيف بيحميه من الصدأ.
ينفع أستخدم صابون على الحديد الزهر؟
يفضل لأ، الصابون بيشيل طبقة التتبيل. استخدم مية وفرشة ناشفة.
كل قد إيه أنضف الجريل؟
بعد كل مرة تستخدمه. والتنضيف العميق كل أسبوعين مثلًا.
ينفع أحط الستانلس في الغسالة؟
ممكن، بس الأحسن تغسله بإيدك عشان يفضل لمّاع.
لو الحديد الزهر صدّي أعمل إيه؟
افركه بفرشة معدن خفيفة، نشّفه كويس، وادهنه زيت وسخّنه تاني.
أنهي يعيش أكتر؟
الاثنين يعيشوا سنين، بس الزهر محتاج اهتمام أكتر.
الخلاصة
في مقارنة تنضيف شبك الجريل الستانلس والزهر، الموضوع بيرجع لطريقتك في الشوي.
تحب الراحة؟ خليك مع الستانلس.
تحب الطعم القوي والسخونة المثالية؟ الزهر هو الاختيار.
وفي كل الحالات، التنظيف الصح والعناية المنتظمة هتخلي الجريل يخدمك سنين طويلة وتستمتع بشوي مظبوط كل مرة
وتقدر تلاقي كل انواع الشوايات على موقعنا باربكيو هاوس الأن
